Ang Storya nga way Kahumanan

Bossing ni tawag sa iyang Secretary: Ah..Kurdapya sulod sa isa ka semana adunay seminar nga atong paga atenan sa abroad, so e settle na ang mga butang.

Kurdapya ni tawag sa iyang bana: Dong, langga..ako og akong boss aduna baya seminar sa abroad , isa pud ka semina busa mag amping ka ha.

Dodong ni tawag sa kabit: ang akong misis ba mag abroad isa ka semina, kanang pwede nata mag iring-iring babes isa ka semina..

Kabit ni tawag sa iyang gina tudloan og private tutor nga bata: Naay koy importante nga himuon sulod sa isa ka semina, pwede kana dili mo adto sa klase.

Ang bata ni tawag sa iyang Lolo: Lo! Wala me klase sulod sa isa ka semina ba kay si teacher bitaw no busy. Mag suroy-suroy ta ana nga week Lo ha?

Lolo *Mao ang BOSS* ni tawag sa iyang secretary: Karon nga week e spend nako akong taym sa akong apo, busa dili ta ka attend og seminar.

Kurdapya ni tawag sa iyang bana: Dong, dili ma dayon ang among meeting sa abroad gi kansel sa akong boss. Naa siyay lain nga buhaton.

Dodong ni tawag sa iyang kabit: Babes dili ta ka labing labing ani! Wa man na dayon ang biyahe sa akong misis.

Kabit ni tawag sa bata nga gi tyotoran: Ah Berto, “this week we will have class as usual”. So sulod baya sa klase.

Berto ni tawag sa iyang Lolo: Lo! Ingon sa akong titser nga karon nga week mag sulod daw ko sa klase. Sorry kaayo Lo dili tika ma ubanan sa pag suroy.

Lolo *Mao ang BOSS* ni tawag sa secretary: Hello? Ah..Kurdapya ayaw kabalaka! Karong semanaha maka attend ta og seminar so e settle na ang tanan ha!

------------------------------------------

Og mao kato ang sugilanon nga way puas naga balik-balik lang.

"Nag pamatuod kini nga ang kinabuhi sa tawo naga tuyok-tuyok lang."