Ngano man?

Sukad pagkabata hangtod karon daghan japun ko mga pangatuna nga wala pa masaysay og natuki ...Busa nanghinaot ko sa inyo mga ka igsoonan nga inyo kung matabangan niining akong sugilanon.

1. Nganong ang mga bayot nanaghan man og samot maskin dili sila manganak?

2. Kung ang ulod mamatay, ulodon ba?

3. Kung ang kabaw mamatay langawon, pero kung ang langaw mamatay ngano dili man kabawon?

4. Ngano kung mopalit ka sa tindahan og iced water ang ihatag kay bugnawng tubig man?
Diba dapat ang ihatag kay tong nigahi nga tubig? mao ganing gi tawag nga "ICED" water?

5. Ang sakto nga tawag sa bugnawng tubig nga baligya dapat "COLD WATER" diba?
Ngano kadaghanan iced water man? og kung mopalit og nigahi nga tubig nganong "ICE" lang man ang ilitok?

6. Ang mga isda nagatulog pud kaha na sila? Nahulom gud na ilang mata sa tubig.

7. Kung malibang ka nganong dili malikayan nga maka-ihi man pud kag apil? Mao bana ang ginatawag nga package?

8. Ang uban kung magluto og kan-on nganong butangan man og asin ang ibabaw sa taklob? Unsa man kuno ang koneksiyon sa asin?

9. Mobalik ta sa langaw, kung mamatay ang langaw langawon ba kaha?

10.Tinuod ba nga inig human og laba bawala manghinaw kay mapasmo ka? hmm..

11.Kung ang pang-gunit nimo sa kabo kay wala nga kamot, buot pasabot ba nga ang tuo mao pang ilo?


Og daghan pang mga pangutana nga wala pa matuki. Kung duna pud moy mga pangutana hala ayaw og kaulaw og padayag sa imong gibati.